ويا حكاية كل مذيع
**
عمرو اديب زي الديب
يوم بيروح و يوم بيغيب
يشرب مانجة وشاي بحليب
وانت تحاسب ع المشاريب
يحكي يوماتي عن التخريب
وعن السرقة وع التهريب
وانت بكل غرابة بتسيب
عقلك يملاه حد غريب
كان اعجوبة من الاعاجيب
وبيعملك انه قريب
ادي حكاية عمرو اديب
**
ورولا خرسا زي البرصة
تشوف الحق وتعمل خرصه
تاكل كبدة وحته خسه
علشان تسمع كلمة خسه
وبتتكلم كده ع البورصة
نفسي اقرصها حته قرصه
اصلها هادية وعاملة مشاكسه
لاء ورقيقة وزي النسمة
وتلاقيها على طول مبتسمة
كأنها ورثت زي الورثة
ادي حكاية رولا خرسا
**
ومحمود سعد وش السعد
عمره ما كان بيحب البعد
عن تفاهاته وحتى العند
يجي في يوم يشكي من البرد
وتاني يوم يشكي من الشرد
يوم في السما ويوم في الارض
مره بطول ومرة بعرض
نفسه في يوم يوفي له بوعد
علشان ياكل كل الشهد
بس لوحده من غير حد
وادي حكاية محمود سعد
**
يسري فودة زي ابو جودة
ضحكة خبيثة واسلوب بيضه
يقرا مجلة و يقرا جريدة
زي قراية اي عريضة
بيفكرني ببنت بليدة
مفيش في دماغها الا حديدة
ونفسها تعمل حاجة جديدة
مرة حزينة ومرة سعيدة
لما بتعمل فيها مكيدة
لو في الشارع او في الاوضه
وادي حكاية عمنا فودة
**
ريم ماجد زي المارد
بتفكرني بكابتن ماجد
اي نظام عندها بائد
كأن ابوها اعظم قائد
نفسي تقولي ايه العائد
لما بكل طاقتها تساند
ناس بتخرب كل معابد
يمكن قالوا عليها قصايد
وانا مش شايف ليها فوايد
غير انها عمالة تزايد
وادي حكاية ريم ماجد
**
الرئيسية 
موضوع: حكايه كل مذيع 
